الموبايل اللي طلبته مقــفول
السلام عليكم
بعد اذن الادمن انا حابب اخد رأي اخواتي في موضوع انا خاطب من ٣ شهور “صالونات” هي قريبتي بس من بعيد اول ما بدأنا نتكلم فون بحكم شغلي كنت بكلــمها بالنهار اطمن عليها وبعد ما ارجع بالليل ع ٩ كده اكلمها شوية
…وبقفل علشان بصحي بدري ..في مره قلــقت بالليل صحيت ع ٣ كده رنتلها لاقيت الخط بيديني مغـلق كذا رنه ورا بعض حوالي ساعه وبعد كده الخط رن فتحت بقولها قافله موبايلك ليه قالتلي شبكه مع العلم يا جماعه مكــنش بيديني مغلق ع طول لا دا كان بيطول وبعدين يديني مغلق …قالتلي شــبكه سكت وسألتها معاكي خط تاني قالتلي اه وطلبته بعتتهولي والموضوع عدي
وكالعاده بنتكـلم بالنهار وانا ف شغلي وبرجع بليل فاصل بكلمها ١٠ دقايق وبنام ….كان عندي برد اليوم ده ومعرفتش انام وقولت هكلمها علشان اطمن عليها وكالعاده رنيت ف نفس التوقيت اللي كلمتها فيه قبل كده لاقيتو مغلق رنيت ع الخط التاني كان بيديني ..تحويل مكالمه يعني الخط متحول ..
قعدت ع الرنات دي اكتر من ساعه والله وبعدين رن فتحت بسالها مغلق ليه والخط متحول قالتلي شبكه برضو ..مع اني يا جماعه بكلمها دايما والشبكه بتكون كويسه انا اتعصــبت وقولتلها انا مش فاهم ف اي قالتلي انت بتشك ومعندكش ثقه فيا والجو ده …قفلت ف وشها السكه وعدي يوم والتاني لاقيتها بترن وتقولي ليه مش مصدقني قولتلها فعلا مش مصدقك
لاقيتها سكتت فجأه وقالتلي ان باباها هيرفض نتكلم بليل وانه مينفــعش هي تكلمني لحد الفجر لان باباها مش هيحب كده …بصراحه يا جماعه انا دخل جوايا شك انها بتكلم حد بليل وانها مش عايزانا نتكلم بليل علشان كده …بالله عليكم محتاج نصيحه اعرف انا فين حاسس اني تايه وطيب جدا وحاســسها مش صادقها اخدت موقف مره واتنين الاقيها بترجع وتقولي اني ظــالمها مع ان افعالها مبتقولش اني ظالمها خالص
